Denoncimi i sotëm i Ina Zhupës, zëdhënëses së PD, është sërish për kryebashkiakun Erion Veliaj.
Me anë të një postimi në rrjetet sociale, Ina shkruan se Veliaj ka kaluar me shumicë të thjeshtë pronat e Bashkisë tek privati.
Ironikisht, Zhupa shkruan se e kishin me ngut dhënien e pronave publike te private.
“Janë të qartë që Veliaj i ka ditët e numëruara në krye të bashkisë dhe në shërbim të oligarkëve”,-shton më tej ajo.
REAGIMI I PLOTE
Nga dashamirësia për oligarkët mo, nga dashamirësia- do thoshte Erion Veliaj për shkeljen ligjore që bëri sot kur morën vendimet në Këshillin Bashkiak.
Gjatë mbledhjes, Këshilli Bashkiak ka votuar kalimin e pronave të Bashkisë tek privati me shumicë të thjeshtë votash kur në të vërtetë nevojiten 37 vota.
6 projektvendimet e para u votuan me vetëm 30 anëtarët e maxhorancës, kur në fakt vendime të tilla merren vetëm me 3/5 e këshilltarëve, pra me 37 vota.
E kishin me ngut dhënien e pronave publike te privati sepse janë të qartë që Veliaj i ka ditët e numëruara në krye të bashkisë dhe në shërbim të oligarkëve.
