Gjatë prezantimit të platformës për qeverinë tranzitore, Lulzim Basha u është përgjigjur dhe pyetjeve dhe ndërhyrjeve te gazetarëve.
Kreu i PD-së, Lulzim Basha, edhe pse ka këmbëngulur gjatë prezantimit të detyrave të qeverisë tranzitore që diskutimi të mbetet tek detyra e parë, ajo e garantimit të zgjedhjeve të lira dhe të ndershme, ka theksuar prere atë që kjo qeveri nuk do të jetë.
Basha ka dhënë detaje lidhur me profilin që kjo qeveri tranzitore do të ketë.Basha ka thënë se ajo nuk do të jetë frut i një koalicioni mes opozitës së bashkuar dhe PS-së.
“Koalicion me i madh mes opozitës dhe PS, nuk do të jetë, por një qeveri provizore tranzitore me personalitete jashtë konfliktit të interesit që kërkon vullnet dhe mbështetje politike. Detyrat duhet të shkojnë përtej kësaj, ne sot jemi për detyrat në raport me procesin zgjedhor të lirë. Është e vërtetë, disa nga këto cështje janë të mbartura, ajo që bën diferencën është sa ka ndikuar problemi në rezultatin zgjedhor”.-ka sqaruar Basha.
