Një peshkatar në njësinë administrative Balldre të Lezhës ka humbur jetën teksa ka qënë duke peshkuar.
Viktima u identifikua si Aleksandër Dedgjoni 37 vjeç.
Paraprakisht thuhet se ai ka rënë në kontakt me energjinë elektrike, pasi ka qenë duke peshkuar me pajisje elektrike, por nuk dihen më shumë detaje për ngjarjen.
Policia lokale po heton për rastin në fjalë.
Njoftimi i plotë i Policisë:
Lezhë/Informacion paraprak
Sot, rreth orës 13:40, në fshatin Balldre, Lezhë, shtetasi A.D., 37 vjeç, banues në Lezhë, duke peshkuar ka rënë në kontakt me rrymën elektrike, ku si pasojë ka humbur jetën.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
