Pas takimit nj ditor në Berlin me liderët e Ballkanit Perëndimor janë publikuar momentet nga takimi joformal dhe darka e lirë mes tyre, ku protagonist sigurisht kanë qenë organizatorët e Samitit, Makron dhe Merkel.
Dhe Kryeministri i Kosovës ka publikuar momente nga takimi me presidentin Makron në këtë mbrëmje. Në videon e publikuar nga vetë kryeministri Haradinaj, shihet se si presidenti francez, Emmanuel Macron nuk i lëshon dorën zyrtarit të lartë nga Kosova. Madje, ai e tërheq tri herë teksa flasin të qeshur me njëri-tjetrin.
“Në përfundim të takimit të nivelit të lartë të thirrur nga Kancelarja Merkel dhe Presidenti Macron me liderët e Ballkanit Perëndimor”, shkruan Haradinaj për këtë video.
Kujtojmë se Dialogu Kosovë-Serbi ishte dje në qendër të vëmendjes në Samitin e Berlinit. Ndërsa kancelarja gjermane, Angela Merkel kërkoi zgjidhje mes dy vendeve dhe se mbetej besnike e qëndrimit të saj kundër ndryshimit të kufijve me Serbinë, nuk kanë munguar edhe momentet pikante.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
