Një supermodele somaleze-amerikane është bërë modelja e parë myslimane që shfaqet në Sports Illustrated duke veshur një burkini për plazh.
Halima Aden është paraqitur me rroba banje që mbulon të gjithë trupin përveç fytyrës, duart dhe këmbët.
“Vajzat e reja që mbajnë hixhabin duhet të jenë gra që kërkojnë të hyjnë në çdo industri”, tha ajo për BBC.
Halima Aden u rrit në një kamp refugjatësh kenian, u transferua në SHBA shtatë vjeç dhe filloi të mbante hixhabin pak pas.
“Tani po shohim politikanët, gratë e biznesit, gazetarët televizivëedhe gra të tjera të suksesshme në role të dukshme dhe ky është mesazhi që duhet të dërgojmë”, tha ajo.
“Përgjigjja ka qenë e pabesueshme dhe unë jam aq e nderuar që Sports Illustrated ka ndërmarrë hapin për të shfaqur bukurinë që zotëron modestisht gratë muslimane”.
Ajo tha se në fillim kishte hasur në shumë kritika, sepse njerëzit nuk e kuptonin modelimin apo modën.
“Për shkak se është kulturë ndryshe, kjo s’është një gjë somaleze.Por unë duke u shpjeguar pse është e rëndësishme për të gjithë ato që rriten në Amerikë që duken si unë, ishte një bisedë e rëndësishme. Nëna e kuptoi këtë dhe ndikimin e saj. Unë nuk jam vetë modele, pasi kam ndihmuar edhe në komunitet shumë, pra puna ime me UNICEF-in, e nuk kam harruar asnjëherë prej nga vi”, shtoi tutje modelja.
Ajo tha gjithashtu se tani është më e lehtë të jesh një grua myslimane në SHBA sepse njerëzit nuk janë të frikësuar nga mbulesa, por që ka ende rrugë të gjata për t’i kaluar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
