Ka nisur fushata për të mbledhur fonde për Xhejsonin e Piter Panit, personazhit shumë të dashur nga publiku.
Alketa Vejsiu ishte ajo që njoftoi për këtë nismë për të ndihmuar djalin e vogël, ndërsa ka patur dhe shumë të tjerë që kanë filluar të japin donacione.
Mes tyre është edhe moderatorja dhe këngëtarja Evi Reçi e cila i ka dërguar Alketës një mesazh ku i shkruan:
“Nesër kam ditëlindjen dhe preferoj që mos të marr dhurata, por të bëj. Dhe direkt nesër unë do e bëj një kontribut për nënën e Xheisonit. Më preku shumë. Zoti e bekoftë. Të përqafoj Alketë”.
“Je yll”,- i shkruan Alketa.
Kujtojmë këtu që Aketa u kritikua për këtë që po bënte, ku shumë e konsideruan shfaqje pasi të bësh bamirësi nuk ke pse të bësh bujë. Shumë të tjere, mes tyre dhe Olti Curri nuk u pajtuan me faktin që Alketa dukej sikur e konsideronte lypës Xhejsonin e vogël.
Por gjithsësi Vejsiu nuk i ka marrë shumë për bazë, ndërkohë që kontributin e saj premtoi ta bëjë shumë shpejt, duke dhuruar një pjesë të rrogës.
