Merkel nuk mund të marrë asnjë vendim pa miratimin e Bundestagut. Siç mësohet më tej nga qarqet politike pranë CDU-së, afati kohor që nga publikimi i raportit të progresit të BE-së, më 29 maj deri në samitin e BE-së në qershor nuk mjafton për të marrë një vendim për çeljen e negociatave.
Burime nga CDU/CSU i thanë Dw-së vendimi i tyre do të shtyhet në shtator.
Ky është lajmi që raportoi pak më herët Deutche Welle sa i përket mundësisë së hapjes së negociatave të Shqipërisë me Bashkimin Europian.
Ky është dështimi i dytë rradhazi për kryeministrin Edi Rama, i cili një vit më parë madje “festoi” hapjen e negociatave me Brukselin, edhe pse një gjë e tillë nuk ndodhi realisht.
Por ndryshe duket situata me Maqedoninë e Veriut pas arritjes së Marrëveshjes së emrit me Greqinë.
Sipas medias zyrtare gjermane, kancelarja Angela Merkel ka ushtruar presion ndaj presidentit francez Emmanuel Macron, që ky i fundit të bëjë lëshime për Shkupin dhe të pranojë hapjen e negociatave.
Ndërkohë vetë Zoran Zaev, gjatë Samitit të Berlinit, është shprehur se, është i gatshëm të dorëhiqet nga detyra nëse në qershor Shkupi nuk hap negociatat me BE-në.
Po kryeministri ynë kur pritet ta bëjë një gjë të tillë?…
