Ish-deputetja Jorida Tabaku është ndalur sërish në çështjen e pronave, ku thekson se qeveria ka dërguar në Kuvend, ndryshimet ligjore në projektligjin e shumë përfolur.
Sipas ish-deputetes, ndryshimi i radhës është ai nr 4/2015, një formë antikushtetuese të kalimit të pronësisë, TJETËRSIMI.
“Pasi parlamenti Europian e vendos me shpatulla pas murit per çështjen e pronave, qeveria dhe kryeministri Rama vazhdojne të dërgojnë në Kuvend ndryshime ligjore anti-kushtetuese.
I radhës është ndryshimi që shton në ligjin nr 4/2015 një formë antikushtetuese të kalimit të pronësisë, TJETËRSIMIN.
Ky term nuk ndodhet në kushtetutën e vendit ku përcaktohet shumë mirë se si FITOHET një pronë private; pra përmes dhurimit, trashëgimisë apo dhe blerjes. Kjo shpikje ekstra kushtetuese ka vetëm një synim, ligjërimin e dhurimit të pronës nga e përbashkëta tek oligarku.
Një shpikje në kundërshti edhe me rregullat e BE dhe marrëveshjes së MSA. Që nuk do na çojë më pranë Europës .
Ky është ndryshimi i pestë në rradhë me një paketë ligjore antikushtetuese që nuk duket se është shkruar më zyrat e shtetit por të biznesit që do përfitojë. Së bashku me Korporatën e Investimeve ky është një ligj kuadër që bën të mundur të anashkalojnë Parlamentin e Këshillat Bashkiakë sa herë kanë nevojë të zaptojnë një pronë.
Ky ndryshim e ngre në një nivel tjetër korrupsionin e ngritur në sistem. Arroganca ka arritur në atë nivel që nuk kanë më frikë nga asgjë, korrupsioni me ligje bëhet diten për diell e votohet nga parlamenti ilegjitim. Ky ligj do të anullohet bashkë me gjithë paketen aktikushtetuese kundër pronës!
Më poshtë linku projektligjit”, shkruan Tabaku.
