Ish-deputeti Gent Strazimiri ka reaguar pas lajmit se në Itali u kapën 1,500 kg drogë, ku në pranga ranë dhe dy shqiptarë.
Sipas ish-deputetit, ajo që nuk dihet nga ngjarje të tilla, është se kush jnë punëdhënësit që urdhërojnë për të tilla ngarkesa.
“Të vetmit që janë në burg, janë 2 skafistët që kap italiani një ditë po, një ditë jo, një ditë ndoshta… asnjë “punëdhënës” nga ata që kapen duke folur me Gjushin a Damianin për zgjedhje”,-shkruan Strazimiri.
STATUSI I PLOTE
1.500 kg drogë nën kujdesin e “bravo çunave” drejt Italisë, tani që “s’ka më asnjë rrënjë të mbjellur” …
Që të jesh në gjendje të grumbullosh 1.500 kg drogë, do të thotë që të kesh hapur “ndërmarrje grumbullimi” si në kohë të Kristaqit, me magazina, furnitorë, mercologë e deri tek punëtorë ngarkim-shkarkimi! Që ta transportosh pastaj deri në breg të detit, të duhet edhe një “ndërmarrje transporti” sado modeste, me dispeçeri dhe logjistikë…
E gjitha kjo, nën hundën e “Policia që duam”, asaj më të mirës në Evropë…
Pyetja është:
– sa “ndërmarrje grumbullimi” të tilla funksionojnë suksesplotë, në këtë Shqipërinë tonë të “arritjeve”?
Sado që të jenë, një gjë është e qartë si drita e diellit:
– të vetmit që janë në burg, janë 2 skafistët që kap italiani një ditë po, një ditë jo, një ditë ndoshta… asnjë “punëdhënës” nga ata që kapen duke folur me Gjushin a Damianin për zgjedhje!!!!!
