Tragjeditë nuk kanë të mbaruar për familjen e Emiljano Sala.
Mediat argjentinase kanë raportuar për nje tjetër humbje të madhe në familje.
Babai i ish-futbollistit, Horacio Sala ka ndërruar jetë mëngjesin e sotëm si pasojë e një ataku kardiak. 58-vjeçari ka qenë i shtrirë në dhomën e tij në momentin e atakut.
Horacio Sala, 58 vjeç, pësoi një sulm në zemër të premten, konfirmoi shoku i tij dhe presidenti i klubit të tij lokal. Daniel Ribero, nga San Martin de Progreso, i tha kanalit televiziv C5N se Z. Sala kishte vdekur para se mjekët të vinin në shtëpinë e tij në Progreso.
Dhimbja në familje vazhdon të jetë ekzistente. Kujtojmë këtu që Sala u gjet i pa jetë pas një kërkimi të gjatë të ekuipazhit, ndërsa avioni kishte patur defekte gjatë fluturimit. Aeroplani i Emiliano Sala u rrëzua në Cardiff pas largimit nga Franca.
Sipas hetimeve në lidhje me shkaqet e vdekjes së futbollistit Emiliano Sala në Kanalin e La Manshi në 21 janar, të cilat ende vazhdojnë, media britanike zbuluan detaje të reja.
Sipas “BBC”, piloti i avionit, David Ibbotson ishte daltonik dhe për këtë arsye nuk kishte leje për të fluturuar në orët e mbrëmjes, por vetëm gjatë paraditeve.
Emiliano Sala ishte një blerje rekord për klubin e Kardifit, që shpenzoi 17 milionë euro për të. Me fanellën e Nantës, në 19 ndeshje ai ka shënuar 12 gola në sezonin 2018-2019.
