Ministri i Jashtëm në detyrë, Gent Cakaj u vu ne qender të mediave për shkak se u përfol se bashkëjetonte me Rea Xhillarin, vajzën e Linda Ramës nga martesa e saj e parë. Për herë të parë ai i ka komentuar në “Opinion” këto lajme.
Cakaj tha se një informacion i tillë ishte i pavërtetë dhe një shpifje për ta goditur atë dhe Kryeministrin Edi Rama.
“Kjo përveç se është absolutisht e pavërtetë është edhe dashakeqe. Me autorët e kësaj do ballafaqohem në gjykatë. Kanë bërë gjithfarë obstruksionesh me këtë çështje. Kjo është një gënjeshtër absolute bëhet për të njollosur kryeministrin dhe reformën në ministrinë e Jashtme. Ajo korrespondon dhe me një iniciativë që kemi marrë në ministri që është lufta kundër nepotizmit dhe klaneve në diplomacinë shqiptare. Janë klane të caktuara ato po spekulojnë. Unë jetoj vetëm dhe nuk jam në një lidhje. Kjo është produkt i fantazisë së shfrenuar dhe unë turpërohem të flas për këtë çështje”, tha Cakaj.
