Ish kreu i grupit parlamentar të LSI-së Petrit Vasili, i ftuar në studion e Fax News ka folur në lidhje me koalicionin opozitar të formuar gjatë ditës së sotme. Sipas tij arsyeja e firmosjes së koalicionit ditën e sotme është për shkak të përputhjes së kushteve midis të gjitha palëve të cilat nënshkruan këtë koalicion.
I pyetur nëse marrëveshja e bërë nga partitë opozitare ka në focus një luftë për pushtet, Vasili shprehet se: “Kushdo që do ta transformonte këtë çështje në një luftë për pushtet, sigurisht gabon me qëllim. Absolutisht nuk mund të jetë një luftë për pushtet. Kurrkush nuk mund të jetë kaq i pamënd sa të mendojë që të luftosh për zgjedhje të lira do të thotë të luftosh për pushtet.”
Duke ironizuar se, “Mua më ka qëlluar të votojë edhe në kohën e Partisë së Punës, por nuk kam zgjedhur”,Vasili shprehet me bindje se lufta bëhët për krijimin e zgjedhjeve të lira,sipas tij gjithë lëvizjet e opozitës nuk kanë lidhje me pushtetin por me rikthimin tëk shteti.
Ai thotë se: “Përmes zgjedhjeve të lira ne nuk pot hemi që do të vijmë në pushtet, por që poi u japim qytetarëve të drejtën qytetarëve për tu zgjedhur”.
Në lidhje me shit-blerjen e votave Vasili shprehet se “Fakti se zgjedhjet janë blerë me kriminelët, nuk është ndonjë zbulim i jashtëzakonshëm. Është i rëndësishëm sepse doli sheshit, por që nuk është ndonjë gjë të cilët shqiptarët nuk e dinin edhe më parë.” Sipas tij, “qytetarët janë në djeni se vjedhja e votave ka agravuar gjendjen në Shqipëri deri të skandalet si ai i “Unazës së Re”, i cili është një skandal prej 40 milion eurosh, dhe se nuk ka për këtë as edhe një të ndaluar të vetëm. Apo skandali i “Bregut të Lumit”, ku qytetarëve u merren pronat pa të drejtë dëmshpërblimi dhe dhunohen, gjë e cila është e papranueshme. Të ndaluar në lidhje me këto çështje janë vetëm familjarët edhe njërzit që mbrojnë pronat”, – shprehet Vasili.
Ish kreu i grupit të LSI-së shprehet se “gjithë situata politike e formuar në Shqipëri kërkon një shkundje të madhe në kuptimin politik, shoqëror edhe elektoral.”, ndërkohë i pyetur nëse mund ta jap koalicioni opozitar një “tronditje” të tillë, Vasili shprehet se: “Opozita sot organizon protestat më të mëdha në Ballkan, jo vetëm më të mëdha në Shqipëri dhe po ashtu përgjigjen qytetarët e kanë dhënë. Sot është vetëm një qevëri e cila po shtyn funeralin e saj, sa të jetë e mundur një ditë dy ditë. Të bëjë sajimin e radhës. Nuk i shohim për herë të parë truke të tilla. Sot qeveria po tregon se nuk kursen asgjë për ta dëmtuar vendin.”
Përsa i përket koalicionit politik, i pyetur se kujt nga partitë politike ja jep kjo marrëveshje kompetencat për të dialoguar për të dalë nga kjo situatë politike, Vasili shprehet se: “Koalicionit, të gjithëve së bashku. Siç e keni parë ne kemi firmosur të gjithë së bashku në një dokument unikal, ku bashkëndajmë të njëjtat principe të njëjtat vlera dhe të njëjtat qëndrime themelore të cilat përbëjnë platformën për daljen nga kriza, orjentimin se cilat janë problematikat më të rëndësishme për vendin të cilat kërkojnë një zgjidhje të mënjëhershme. Gjithçka në këtë marrëveshje vë gishtin në plagë edhe jep këtë zgjidhje.”
I pyetur në lidhje me zhvillimet e reja në politike, përsa i përket vendosjes së deputetëve të rinj në parlament apo edhe krijimit të partisë së re politike Bindja Demokratike, nëse ato do të jenë një mbështetje për mazhorancën apo një opozitë natyrale, Vasili shprehet se nuk është në dieni të çështjeve të tilla dhe se për gjëra të tilla duhet pyetur Edi Rama, mirëpo nuk heziton t’i bëjë një krahasim situatës me kohën e Ramiz Alisë dhe rënien e tij nga pushteti.
Ndërkohë në lidhje me zgjedhjet lokale të 30 qershorit Vasili thotë se: “Me kryehajdutin Edi Rama nuk mund të ketë zgjedhje. Sipas tij kjo situate është si të bësh ujkun për bari. Nuk mundet që Edi Rama të jetë administrator zgjedhjesh. Shqiptarët e dinë këtë gjë.”
