Një nënë e re humbi jetën sot në Maternitetin e Elbasanit, vetëm një orë pasi kishte sjellë në jetë fëmijën e saj të parë.
Emri i saj është Rexhina Debrova, 25 vjeç, e cila sipas spitalit kishte mbërritur me urgjencë më datë 22.04.2019 në orën 10:25 paradite, me barrë të vonuar 42-javëshe dhe është futur në sallë, ku mjekët asistuan lindjen e fëmijës, i cili erdhi në jetë në orën 11:50”.
E reja ishte me origjinë nga fshatrat e Llixhës, por me banim në Elbasan.
Ajo kishte vetëm 10 muaj që kishte lidhur kurorë dhe priste një vajzë, e cila për mrekulli mbijetoi edhe pse nëna humbi jetën.
Familjarët e Rexhina Debrova tashmë akuzojnë mjekët për ndërhyrje me vonesë.
Sipas tyre, Rexhina ishte nisur për në maternitet pasi i kanë nisur dhimbjet.
Por është futur në operacion 3 orë me vonesë.
