Numri i të vdekurve në Sri Lanka ka shkuar në 290 pasi një valë shpërthimesh goditën kishat dhe hotelet luksoze në të gjithë vendin të dielën.
Policia tha se 24 vetë u arrestuan, por ende nuk dihet se kush i kreu sulmet.
Rreth 500 persona janë të plagosur dhe të paktën 35 të huaj janë në mesin e të vdekurve.
Bombardimet e së dielës së Pashkëve në Sri Lanka ishin të parat që nga përfundimi i luftës civile të vendit në vitin 2009.
Nga ana tjetër, Kryeministri i Sri Lanka ka kërkuar një hetim për dështimet e inteligjencës përpara shpërthimeve të Pashkëve që vranë më shumë se 200 njerëz. Ranil Wickremsinghe pranoi se qeveria e tij kishte marrë informacion paraprak të sulmit, por që ministrave nuk Iu ishte thënë.
AFP raportoi se kishte parë dokumente që tregonin se policia lëshuar një njoftim të inteligjencës tek zyrtarët e lartë 10 ditë më parë, duke paralajmëruar se bombarduesit vetëvrasës kishin planifikuar të goditnin “kishat e shquara”. Shefat përmendën një shërbim të huaj të inteligjencës duke raportuar se një grup islamik pak i njohur po planifikonte sulme.
Tre kisha dhe tre hotele u goditën nga shpërthime të organizuara, të dielën e pashkëve katolike. Deri tani autoritetet raportojnë për 207 të vdekur dhe mbi 400 të tjerë të plagosur, që po marrin ndihmën mjekësore në spitalet lokale.
