Shpeshherë kemi parë dhe kemi dëgjuar histori konflikti midis vjehrrës dhe nuses, por historia që u trajtua mbrëmjen e sotme në programin “Dua të të bëj të lumtur” ishte ndryshe.
Në studio kishte ardhur Mrika, vjehrra e Shpresës e cila tregoi historinë e jetës së nuses së saj. Shpresa që e vogël kishte mbetur jetime pasi babai kishte ndërruar jetë dhe nga varfëria ekstreme ishte detyruar që të mos e vazhdonte shkollën. Më pas ishte njohur me Aleksandrin dhe ishin martuar, por familja e tij ishte në kushte të vështira ekonomike.
Shpresa kishte sjellë në jetë 6 fëmijë për të cilët kujdesej Mrika sepse ajo duhej të punonte për të siguruar jetesën e tyre. Bashkëshorti i saj, Aleksandri ishte larguar nga shtëpia për të gjetur punë, por askush nuk e dinte se ku ndodhej. Sikur të mos mjaftonte varfëria ekstreme dhe largimi i Aleksandrit, Shpresa duhej të përballej çdo ditë me sëmundjen e djalit të saj i cili ishte diagnostikuar me sindromën Down.
Mrika i ishte drejtuar programit për t’i kërkuar Shpresës që të jetojë dhe të mendojë për jetën e saj, për t’i thënë që jeta është e bukur dhe që duhet të dalë më shpesh. “Faleminderit prej teje që kujdesesh dhe për mua. Ke harruar veten tënde për t’u kujdesur për ne. Shumë respekte për ty”, – u shpreh Mrika.
Në studio Shpresa rrëfeu vështirësitë që ajo kalon çdo ditë për t’u kujdesur për të gjithë familjen dhe për djalin e saj me sindromën Down. Ajo tregoi se është akoma edhe më e vështirë kur nuk ke mundësi ekonomike.
Programi “Dua të të bëj të lumtur” e ndihmoi Shpresën që djali i saj të merrte ndihmën e duhur si dhe i dhuroi disa pajisje elektroshtëpiake.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
