Një tjetër të dyshuari për grabitjen në Rinas i është zbuluar identieti. Aleks Pepa, është i dyshuari i tretë që po kërkon Policia për grabitjen që ndodhi në datën 9 Prill.
Burime nga grupi hetimor, bëjnë me dije se pas Klement Çalës, në kërkim është edhe Aleks Pepa, i cili gjithashtu mendohet se ka marrë pjesë në grabitjen e 10 ditëve më parë.
Aleks Pepa ka kryer edhe grabitjen e parë që ndodhi në Rinas, në 30 qershor të 2016-së, ku një makinë benz u fut dhe mori një shumë rreth 1 milionë euro.
Aleks Pepa, është një person që ka punuar si emigrant në Greqi, por në vitin 2015 është kthyer në Shqipëri, dyshohet nga prokuroria të jetë personi kryesor i grabitjes së gati 1 milion eurove në aeroportin e Rinasit.
Arrestimi i tij nuk u bë asnjëherë i mundur, dhe në sajë të bashkëpunimit me Muratajn dhe Çaljan ai arriti të bënte goditjen e disa ditëve më parë.
