Senati Akademik i UBT ka reguar sot në lidhje me ndërtimin e një shkolle në Kodër Kamzë dhe konfliktin e Universitetit Bujqësor me Bashkinë e Tiranës.
Ne nje deklarate per mediat, Senati i UBT-së ka sqaruar se ne asnje moment ata nuk jane shprehur kunder ndërtimit të shkollës, por ka theksuar se gjithe procesi duhet te behet ne transparence te plote.
“Ashtu siç kemi theksuar në deklaratën e parë me 3 prill, dëshirojmë të sjellim në vëmendje se UBT nuk ka qenë dhe nuk do të jetë kundër në ndërtimin e çdo shkolle. Ne jemi të bindur se ndërrimi i shkollës është domosdoshmëri për komunitetin. Ne mbështesim takimet dhe konsultimet intensive ndërmjet titullarëve të UBT-së, bashkisë Tiranë, edhe ministrisë të cilët qartësuan pjesët juridike. Sikundër deri më sot, UBT-ja do të jetë krah nevojave të arsimit duke kërkuar transparencë dhe komunikim”, thuhet ne deklarate.
Mësohet se në senat është votuar në lidhje me ndërtimin e shkollës dhe shumica ka votuar për ndëfrtimin e shkollës në ambientet e Universitetit, tek pemishtja.
