Ish-deputetët e PD janë gjendur mënjeherë pranë banorëve të Bregut të lumit, aty ku terrori i policisë ka filluar që me orët e para të mëngjesit.
Burime nga PD, thonë se ish-deputetëve u është ndaluar kalimi për tek shtëpitë e banoreve, çka ka sjellë dhe irritimin e tyre.
Po ashtu siç shihet edhe në fotot e shpërndara nga PD, forcat e policisë që ndodhen në zonë nuk kanë lejuar ish-deputetët e PD-së, Aldo Bumçi dhe Klevis Balliu t’i afrohen zonës ku pritet të prishen banesat.
Kujtojmë se Policia e Tiranës ka shoqëruar disa persona të zonës së Bregut të Lumit, që protestuan ditën e djeshme, kunder vendimit per shembjen e banesave qe preken nga zgjatimi i Bulevardit të ri.
Banorët kanë kundërshtuar ndërhyrjen, pasi sipas tyre, nuk janë të qartë për formën e shpronësimit të banesave.
