Policia ka dhënë njoftimin zyrtar lidhur me tragjedinë e ndodhur në Pukë mbrëmjen e djeshme.
2 prindërit e një familje humbën jetën si pasojë e zjarrit që shkrumboi banesën, ndërsa 4 fëmijët e tyre shpëtuan duke u hedhur nga dritarja.
Policia thotë se zjarri ka ardhur si pasojë e një shkëndije elektrike.
NJOFTIMI I POLICISE
“Më datë 8.4.2019, rreth orës 3.45 në Pukë, në banesën e shtetasit P. N ka rënë zjarr. Si pasojë e zjarrit kanë humbur jetën shtetasit P. N. 46 vjeç dhe bashkëshortja D. N. 35 vjeçe, ndërsa 4 fëmijët e tyre të moshës 15 , 13 , 12 e 11 vjeç ndodhen në Spitalin e Pukës me dëmtime të lehta.
Nga informacionet paraprake dyshohet se zjarri ka rënë për shkak të një shkëndije elektrike. Grupi hetimor po vijon veprimet në vendngjarje për sqarimin e rrethanave si dhe për përcaktimin e shkakut të zjarrit.”
