Britney Spears është shtruar në një qendër që trajton probleme të shëndetit mendor.Këngëtarja po kalon një periudhë të vështirë emocionale.
U tha se këngëtarja 37-vjeçare po përjetonte prej kohësh shqetësime të rënda emocionale, që kishin pasur si pikënisje problemet shëndetësore që po kalonte i ati.(kliko ketu).
I dashuri i saj 25-vjeçar i këngëtares, Sam Aaghari, ka reaguar publikisht për t’i dhënë përkrahje të dashurës së tij, që zgjodhi të trajtonte problemet e shëndetit të saj mendor, duke e cilësuar këtë si shenjë e një personaliteti të fortë.
“Nuk është dobësi, është shenjë e një personaliteti të fortë, njerëzit duhet të jenë inspiruar nga ky gjest i saji. Të paktën unë u inspirova”-shkruan ai në mbishkrimin që shoqëron postimin e tij në Instagram.
Kujtojmë që Britney ka kaluar edhe më parë probleme të shëndetit mendor. Në vitin 2007, të gjithë e mbajmë mend periudhën kur ajo rroi kokën dhe qëndroi për disa kohë në një qendre rehabilitimi në Malibu.
