Opozita do të protestojë sërish para Parlamentit si çdo javë paralel me zhvillimin e seancës plenare.
Organizimi i protestës do të jetë i njëjtë me atë të protestave të mëparshme, ndërkohë që mësohet se peshën kryesore do ta mbajnë të rinjtë e forumit rinor të PD-së. Kreu i PD, Lulzim Basha, do të mungojë sot në protestë për shkak të angazhimeve që do të ketë jashtë vendit.
Mësohet se Basha është nisur prej ditës së djeshme drejt Gjermanisë, ku do të takohet me përfaqësues të CDU-së për t’i njohur me situatën politike në Shqipëri.
Ndërkohë mësohet se ditën e sotme në protestën e 8-të të organizuar nga opozita, të paktën 1000-1300 forca policore priten të jenë të angazhuara për mbarëvatjen e saj.
Nga ana tjetër., Zëvendëskryeministri Erjon Braçe i shoqëruar dhe nga deputetë të tjerë socialistë janë parë të kalojnë kaluan Pedonalen duke iu drejtuar Kuvendit për seancë.
https://www.facebook.com/partiademokratike/videos/368425863766075/
