Shkrimtari dhe pedagogu Agron Tufa i cili drejton njëherazi Institutin e Studimeve për Krimet dhe Pasojat e Komunizmit, është shënjestruar nga deputeti socialist Spartak Braho.
Gjatë komisionit të Sigurisë, Braho vërshoi me një sër akuzash ndaj Tufës për punën e tij në krye të Institutit, duke thënë se do kërkojë shkarkimin e Tufës. E gjitha lidhet me demaskimin që u bën Tufa personazheve e ngjarjeve nga e kaluara komuniste që kanë lënë gjurmë e pasoja edhe sot e kësaj dite.
Këto akuza të Brahos nuk i kanë shpëtuar vetë Tufës, i cili menjëherë ka reaguar në rrjetet sociale dhe jo vetëm. Tufa këtë e ka marrë si “dhuratë” dhe e ka postuar në profilin e tij në facebook.
“Miq të nderuar,
Dhuratën më të çmuar sot për ditlindje ma ka bëre direkt nga salla e Kuvendit bash perfaqësuesi i zi i ish Sigurimit të shtetit, deputeti Spartak Braho. Dëgjojeni dhe, ju lutem, shpërndajeni sa më gjerë ta dinë të gjithë, se si na rezikohet jeta nga këta neandertalë të komunizmit!”,-shkruan Tufa në rrjetet sociale.
https://www.facebook.com/atufa3/videos/10218708799862333/?t=11
