Sërish është shtyrë procesi për dhëniën e pretencës së Klement Balilit. Mungesa për të dytën herë rradhazi e avokatit Theodhori Sollaku ka qënë arsyeja.
Seanca tjetër e rradhës do mbahet më 8 prill në orën 13:00, teksa gjykata vendosi gjobitjen me 10 mijë lekë të Sollakut, për mungesë në senacë pa lajmëruar.
Vetë Balili kishte kërkuar të mos paraqitej në seancë.
Për të tretën herë, Gjykata e Krimeve të Rënda nuk ka mundur të dëgjojë konkluzionet e prokurorisë për Balilin, të akuzuar për trafik ndërkombëtar të lëndëve narkotike.
Ndërsa sot pritej që Prokuroria të lexonte konkluzionet përfundimtare dhe të kërkonte dënimin për Klement Balilin.
Klement Balili u vetëdorëzua më 17 janar pas shpalljes e momentin që dosja vajti në gjykatë ndërkohë që ishte shpallur në kërkim në maj të vitit 2016. Gjatë kësaj kohe policia dështoi disa ne komtrollet për arrestimin e tij.
