Edhe dhoma Rajonale e Avokatisë Lushnjë i është bashkuar kërkesës për bojkot kombëtar të seancave gjyqësore në formë proteste për vrasjen e avokatit Ravik Gurra në Elbasan.
Ata madje kanë bërë dhe një gjest simbolik, duke varur në kangjella veshjet e e tyre. Kujtojmë këtu se avokatët kanë nisur bojkotin 3-ditor të të gjitha proceseve gjyqësore në Shkallë të Parë dhe Apel.
Gurra, i njohur për mbrojtjen e tij në proceset ndaj Emiljano Shullazit apo fisit Çapja, u vra me armë zjarri në qendër të qytetit të Elbasanit rreth orës 19:30 minuta të së premtes (22 mars).
Gurra ka qenë duke pirë kafe në lokal, me një zyrtar të Avokatit të Popullit, ndërsa autori i maskuar i është afruar dhe e ka qëlluar disa herë me pistoletë me silenciator.
Policia ka ngritur pika të shumta kontrolli për të bërë të mundur kapjen e autorit/ve.
