Përveç Partisë Demokratike e cila denoncon herë pas here me dokumenta zyrtare shkeljet e kryebashkiakut Erion Veliaj, ka dhe qytetarë, aktivistë të cilët gjithashtu denoncojnë.
Bëhet fjalë për Aleanca për Teatrin, e cila ka denoncuar një tjetër ndërtim të dhënë me lejë posaçërisht nga kryetari Veliaj.
Radha për t’u prishur i ka ardhur restorantit ‘Ujvara’, mjaft i njohur për banorët e Tiranës, që do të ‘zëvendësohet’ me në pallat 10-katësh. ‘Aleanca për Mbrojtjen e Teatrit’ akuzon Veliajn se po betonizon çdo hapësirë të mundshme.
“Prapa stadiumit ‘Selman Stermasi’, një godinë një katëshe, e njohur si Restorant Ujvara për shumë vite, është rrethuar me kangjella. Një pallat mbi 10 kate pritet të ndërtohet edhe këtu. E gjithë zona dikur e sistemuar me pallate të rregullta 4-5 katëshe, me hapësire publike para dhe pas, është shkatërruar tërësisht”, përfundon denoncimi.
Të gjithëve na kujtohet premtimi i kryebashkiakut Veliaj për zero ndërtime në Tiranë, por nuk ishte gjë tjetër veçse një premtim elektoral.
https://www.facebook.com/mbroteatrin/photos/a.234554387103928/413679812524717/?type=3
