Katër personat e përfshirë në vrasjen e Jurgen Kurtit janë miq me njëri-tjetrin. Policia ka arrestuar Elsi Levendi, Olsi Qalliaj dhe Alesio Berberi, ndërsa ka shpallur në kërkim dhe një person, emri i të cilit nuk bëhet i ditur.
Të tre personat ranë në gjurmët e policisë për shkak të makinës që po udhëtonin këto ditë. Ata janë arrestuar në Tirane duke udhëtuar me makinë.
Te rinjtë e kanë ndjekur për disa ditë Jurgen Kurtin dhe janë kapur nga kamerat e sigurisë duke udhëtuar me mjetin “Benz” që u përdor edhe ditën e vrasjes.
Në polici ata nuk kanë pranuar akuzat dhe nuk kane dhënë detaje.
Ende nuk ka një motiv të deklaruar nga ana e Policisë për ngjarjen e ndodhur, ndërsa hetimet vijojnë për identifikimin e personave të tjerë që mund të jenë të përfshirë.
