Filmi i ri i Ermalit dhe Elvanës ende pa dalë, ka bërë bujë, kjo për shkak dhe të reklamimit të shumtë që i kanë bërë artistët.
Një ditë më parë, aktori Ervin Bejleri thumboi Ermal Mamaqin duke e cilësuar filmin ‘Dy gisht mjaltë’ si komercial.
Aktori Ermal Mamaqi i është përgjigjur mikut të tij dhe ish-kolegut në ‘Portokalli’, duke thënë se fjala komerciale ndonjëherë keqkuptohet.
“Vini është djalë shumë i mirë, është shoku im i vjetër që nga ‘Portokalli’. Fjala komerciale në shumë raste keqpërdoret. Ka një lloj imazhi të keq për gjërat që shiten, por kjo nuk do të thotë se nuk ka vlerë”, u shpreh Mamaqi.
