Një ngjarje e rëndë ka ndodhur në Grekan të Gramshit.
Sipas policisë, një 35 vjeçar ka vrarë duke mbytur me duar bashkëshorten e tij, G.H., 32 vjeçe.
Shtetasi me iniciale A.H., është arrestuar nga policia, ndërkohë që motivet e vrasjes janë ende të paqarta.
Njoftimi i policisë:
Specialistët e Hetimit të Krimit në Komisariatin e Policisë Gramsh, arrestuan në flagrancë shtetasin: A.H., rreth 35 vjeç, banues në Grekan, Gramsh.
Arrestimi i tij u bë pasi në banesë për motive ende të paqarta, ka vrarë duke e mbytur me duart bashkëshorten e tij shtetasen G.H., rreth 32 vjeçe.
Materialet hetimore i kaluan Prokurorisë pranë Gjykatës së Shkallës Parë Elbasan për veprimet e mëtejshme.
