Kreu i PD Lulzim Basha dhe pse nuk ishte i pranishëm në protestën e sotme, e ka ndjekur atë përmes mediave dhe rrjeteve sociale, ndërsa nuk ka harruar të japë dhe një mesazh për të.
I ndodhur në Bruksel në takimin me zyrtarët e lartë në Bruksel, Basha flet për deklaratat e PPE dhe presidentit të saj.
Reagimi i Bashes ne Twitter pas takimit në PPE:
Presidenti i PPE Joseph Daul në emër të të gjithëve deklaroi qartë se “ne nuk mund të bëjmë kompromise me demokracinë, shtetin ligjor dhe lirinë e medias.” PD po lufton për të njëjtat vlera europiane në Shqipëri dhe në këtë betejë kemi mbeshtetjen e PPE, familjes sonë politike.
Protesta e opozitës
Ai që sot përmbylli protestën e sotme është nënkryetari i PD, Edi Paloka. Protestuesit të mbledhur para selisë blu kanë brohoritur dhe për Lulzim Bashën.
Paloka ka falenderuar protestuesit duke i përgëzuar për rezistencën që kanë treguar.
Nga ana tjetër, Paloka tregoi se kjo do të jetë rruga e vetme për të arritur fitoren dhe qëllimin e vetëm për të larguar kryeministrin Edi Rama.
Protesta e sotme zgjati përreth 4 orë, ndërsa u kërkua dhe lirimi i të shoqëruarve që mbahen në Drejtorinë e Policissë.
