“Jam penduar, e vrava në gjaknxehtësi e siper. Tek liqeni e takova rastësish. Më shau dhe më goditi. Konflikti yne është i hershëm për 45 mijë euro. Haxhiu më perndiqte edhe vajzat për këtë borxh. familja ime kërcënohej prej tij vazhdimisht.”
Kjo ka qënë dëshmia e Islam Mylkajt, vrasësit të 62-vjeçarit, ngjarje e ndodhur para dy ditësh në kodrat e liqenit artificial në Tiranë.
Ai vrau Haxhi Baxhinofskin në sy të fëmijës së tij, teksa po vraponte bashkë me të.
Burime nga policia e Tiranës thanë më herët se motiv i vrasjes ka qenë një borxh i pashlyer që viktima Haxhi Bacinovski i kishte autorit të dyshuar.
Borxhi ishte një shume parash e konsiderueshme dhe 62-vjeçari nuk i ishte përmbajtur fjalës së dhënë për ta shlyer çka ka sjellë konflikte të vazhdueshme me autorin, që sollën edhe vrasjen.
