Vrasja e Jurgen Kurtit tronditi familjarët dhe të fejuarën e tij, sikurse dhe gjithë ata që e njihnin dhe e kishin mik të afërt. Kjo pasi 26-vjeçari njihej si menaxheri I VIP-ave dhe kjo i jepte atij mundësinë të ishte në kontakt me të gjithë personazhet më të famshëm në vend.
Ka qenë këngëtarja Fjolla Morina ajo që ka reaguar e para në Instagram ku ka shprehur keqardhjen për humbjen e mikut të saj.
“U prehsh në paqe shoku im” , duke e shoqëruar postimin me një emoji zemre dhe një tjetër duke qarë.
Kujtojmë se Kurti u ekzekuatua përballë shtëpisë së tij pas kthimit nga palestra. Sipas burimeve nga policia, Kurti u qëllua me 3 plumba nga autorë me maska të cilët u larguan nga vendi i ngjarjes.
Ndërkohë policia, ka nisur hetimet për ngjarjen e rëndë për të vënë në pranga autorët.
