Policia sapo ka arrestuar një person që ishte I pranishëm në momentin e vrasjes së biznesmenit Haxhi Bacinovski një ditë më parë në një nga rrugicat e Kodrës së Liqenit.
Policia nuk ka shpjeguar rreth rolit të tij në këtë vrasje por akuza që rëndon mbi të është moskallzim krimi. Personi i ndaluar quhet Myftar Pasha.
Njoftimi paraprak:
Arrestohet një 56-vjeçar për “Moskallzim krimi” në lidhje me ngjarjen e ndodhur mbrëmjen e djeshme në rrugën “Bill Klinton”, ku mbeti i vrarë me armë zjarri shtetasi H. B.
Specialistët për Hetimin e Krimit ndaj Jetës dhe pronës në DVP Tiranë, arrestuan shtetasin:
Myftar Pasha, 56 vjeç, banues në Tiranë
Ky shtetas në momentin e vrasjes së shtetasit H. B., dyshohet se ka qënë me autorin e vrasjes dhe nuk ka kallëzuar krimin.
Materialet iu referuan Prokurorisë së Rrethit Gjyqësor Tiranë për veprime të mëtejshme.
