Eshtë hedhur shorteu i UEFA Champions League nga e cila do të ketë përballje vërtet interesante.
Në njërën anë kemi derbin anglez mes Totenham dhe Manchester City,dy ekipe angleze të cilat ia njohin stilin e lojës njëra tjetrës në mënyrë perfekte.
Fituesja e këtij çifti në gjysmë finale do të ketë përballë fituesin e çiftit tjetër çerekfinal. Atë mes suprizës Ajax dhe kampionit të Italisë Juventus. Pavarësisht se sfida duket e lehtë për Juventusin në letër, talentet e rinj të Ajax kanë treguar se nuk kanë frikë asnjë kundërshtar.
Gjithashtu kujtojmë se hera e fundit kur Juventus u përball me Ajaxin solli fitoren e trofeut të bardhezinjve.
Nga krahu tjetër kemi favoritët e Liverpool të cilët përballen me kundërshtarët më të lehtë në letër, Porto. Duhet theksuar se Liverpool u përball dhe vitin e kaluar me Porto duke fituar me rezultat të thellë, duke shkuar deri në final i sigurtë. Ndeshja më e fortë e ketij turi është ajo mes Barcelonës dhe Manchester United. Ekipi i Solskajer pas përmbysjes së ekipit të Parisit ndjehen më të motivuar kundrejt kampionëve të Spanjës.
Ndërkaq ekipi i Barcelonës ka kujtime shumë të bukura përballë ekipit të Manchester, ku në dy finalet e vitit 2011 dhe 2009 fituan trofeun e Champions League./DRONI.al
Shikoni rezultatet e shorteut
