Lefter Maliqi është një nga 7 deputetët e rinj që u betuan sot në Parlament dhe kërkuan mandatin e deputetit.
Ndonëse nuk pritej, deputeti i ri mori fjalën për procedurë.
I panjohur me rregulloren, deputeti mbajti një fjalim prej tre minutash, ndërsa atë minutazh e shfrytëzoi për tiu drejtuar demokratëve.
“Pata këmbën e mbarë, fati është se zura edhe vendin e kryetarit me mandat të dhuruar. Jam i bindur se brenda dy muajsh, reshti këtej nga opozita do jetë plotë. Ata që janë jashtë nuk janë më të mirë se ne.
I drejtohem të gjithë demokratëve mos të gënjehen. Tre muaj në çadrën e republikës së re, na gënjeu na mashtroi. Mandatin e kam të dhuruar edhe nga zoti Basha. Demokratët të mos gënjehen më, të ndryshojnë lidershipin”, u shpreh Maliqi, të cilit iu fik mikrofoni pas tre paralajmërime nga ana e kreut të Kuvendit, Gramoz Ruçi.
“Sot për ju është seanca e parë, por të respektoni kohën. Për procedurë koha është vetëm tre minuta”, tha Ruçi.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
