Një punëtor shqiptar në Itali ka humbur jetën pas një incidenti në punë. Mediat italiane raportojnë se viktima është Sokol Rahshta 45 vjeç. Sipas tyre, ngjarja ka ndodhur mëngjesin e një dite më parë, por 45-vjeçari ndërroi jetë në spital ditën e sotme.
Shqiptari u rrëzua nga shkallët nga një lartësi 3 metra. Së bashku me punëtorë të tjerë, ai po punonte për të larguar nga një çerdhe pemët e rrëzuara për shkak të erërave të forta në Pistoia. Ai u dërgua me urgjencë në spital për të marrë trajtim mjekësor.
Sokol Rahshta kishte pësuar fraktura në kafkë. Fatkeqësisht, edhe pse u trajtua në spital, ai nuk mundi të mbijetonte.
Shkaqet e incidentit janë të paqarta, ndërsa mediat italiane raportojnë se nuk përjashtohet mundësia që shqiptari të jetë rrëzuar nga shkallët për shkak të ndonjë sëmundje, duke bërë që ai të humbiste ndjenjat.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
