Përplasje dhe tensione në protestën e ditës së sotme në Fier, ku qytetarët kanë dalë sërish në rrugë për të protestuar kundër kryeministrit Edi Rama i cili do të zhvillojë takime në këtë qytet.
Me pankarta në duar “Rama ik” si dhe me vuvuzela qytetarët kërkojnë largimin e kryeministrit. Ndërkohë forca të shumta policie janë në vend duke nxitur kështu tensione mes qytetarëve.
Drejtori i Policisë së Fierit ka zbarkuar me forca të shumta policie të cilët kanë bllokuar trotuarin dhe po tentojnë të largojnë protestuesit por pa rezultat.
Kryetari i PD Fier Luan Baçi ka akuzuar policinë se po provokon protestuesit. Ai ka folur me megafon duke i kërkuar policisë të qëndrojë larg nga protestuesit dhe iu ka bërë thirrje mediave të pasqyrojnë të vërtetën. Sipas Baçit, ka policë të infiltruar mes protestuesve.
https://www.facebook.com/230329490443653/videos/371056720413987/UzpfSTEzODEwMzcwOTg4OTMyMDk6MjE2NjEzMTM5MzcxNzEwNQ/?notif_id=1552036677200848¬if_t=notify_me_page
