Teksa Lulzim Basha zhvilloi takim në Paskuqan, aleatja e tij, Kryetarja e LSI, Monika Kryemadhi ndodhet në Gramsh ku u takua me strukturat e LSI në këtë qytet.
Kryemadhi teksa i ftoi në protestën e madhe në 16 Shkurt, foli dhe për dosjen 184, një dosje që së fundmi duket se po tërheq vëmendjen e të gjithëve.
Kryemadhi nxorri në shesh disa prej detajeve që përmban kjo dosje, që sipas saj, implikojnë disa socialistë.
“Dosja 184 ka ministra dhe deputetë të përfshirë në blerjen e votës madje dhe lejim të mbjelljes se hashashit në këmbim të votës. Kriminalizimi është në çdo qelizë. Shqipëria po shkon drejt zgjedhjeve të parakohshme dhe ne duhet të jemi të gatshëm për t’u përballur me sfidat”, deklaroi ajo.
https://www.facebook.com/KryemadhiMonika/videos/362115317726535/?t=1246
