Një shërr për motive pronësie ka përfshirë kushërinjtë në Librazhd.
Sipas policisë, një 21 vjecar, ka goditur me sende të forta kushëririn e dytë të të atit.
Me pas kanë ndërhyrë katër persona të tjerë që janë rrahur mes tyre.
Njoftimi
Specialistët e Hetimit të Krimit në Komisariatin e Policisë Librazhd, arrestuan në flagrancë shtetasin:
- A.A., 21 vjeç, banues në Librazhd. Arrestimi i tij u bë pasi ka goditur me sende të forta, shtetasin Sh.A., 50 vjeç. Si dhe u proceduan penalisht në gjendje të lirë shtetasit: L.A., M.A., D.A., Sh.A., banues në Librazhd, pasi janë konfliktuar me njëri-tjetrin për motive pronësie.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale ” Dhuna në familje e kryer në bashkëpunim”.
