Prokuroria ka mbyllur hetimet dhe ka dërguar në gjykatë dosjen për Arkimed Lushajn, këngëtari i njohur me emrin “Stresi”.
Lushaj do të gjykohet për “armëmbajtje pa leje” dhe “trafik të lëndëve narkotike”.
Vjollca Spahiu është gjyqtarja që do të vendosë për fatin e këngëtarit. Vetë familjarët e Stresit dhe këngëtari e kanë quajtur të gjithën këtë një kurth që i është ngritur këngëtarit, dhe një sulm politik ndaj familjes së tyre. Mësohet se ndaj Stresit ka rënë akuza për grup të strukturuar kriminal.
Prej datës 17 tetor të vitit 2018, Stresi vijon të mbetet në qelitë e paraburgimit. Ai nuk apeloi për ndryshim të masës së sigurisë për shkak se nuk beson tek drejtësia shqiptare.
