Gjykata e Durrësit ka dënuar me 10 vjet burg stomatologen Olesia Duka, e cila akuzohet se ka mashtruar 12 biznesmenë, duke ju zhvatur kështu 2 milionë euro.
Prokuroria e Durrësit kishte kërkuar 15 vite burg për stomatologen, e cila akuzohet për mashtrim me shuma të mëdha parash. Duke qenë se Duka ka përfituar nga gjykimi i shkurtuar, dënimi i saj ulet automatikisht me një të tretën.
Prokuroria pranë Gjykatës së Shkallës së Parë Durrës në bashkëpunim me Sektorin e Krimit Ekonomik në Drejtorinë e Përgjithshme të Policisë mundësoi zbulimin e veprës penale të Olesias me vlera të mëdha financiare.
Në shkurt të këtij viti asaj iu vendosën në sekuestro preventive katër apartamente në Tiranë e Durrës, si dhe një klinikë dentare në Tiranë.
