E përdhunuan 12 vjeçe, vajza rrëfen tmerrin: Familja kërkoi të më martojë me agresorin

Ajo rrëfen se është përdhunuar në vitin 2014 nga dy persona njëri prej të cilit sipas saj ka vuajtur një dënim prej një viti e pak muajsh ndërkohë që duhet të vuante 25 vite, sepse ata kanë ushtruar edhe dhunë fizike përveçse e kanë përdhunuar.

Ajo gjithashtu tregon se nuk ka mbështetjen e familjes si dhe nuk është trajtuar nga asnjë psikolog ndërkohë që sa i përket shkollës, ajo thëtë që drejtorii shkollës e ka refuzuar duke i komunikuar se ishte objekt trafikimi.

Pas kësaj tragjedie vajza 12 vjeçare u përball me refuzimin e familjarëve dhe poshtërrimin e komunitetit, mbylljen e dyreve të shkollës, si dhe falsifikimin e ekspertizave shëndetësore, të cilat liruan dhunuesin nga burgu.

Kjo është historia e rrëfyer në Fax Neës, ku dëshira e adoleshentes është të rikthehet në shkollë dhe të shpresojë se një ditë mentaliteti do të arrijë të ndryshojë dhe fëmijët do të pranohen dhe viktimat do të mbrohen.

Vajza: Jam në gjendje ta tregoj të gjithë historinë. Ngjarja ka ndodhur në 2014, nuk kam qenë shumë larg nga banesa. Ishin dy veta ata që më përdhunuan. Më morën në 7 e gjysëm dhe më kanë mbajtur për 6 orë. Kur po kthehesha, më zbritën nga makina dhe mami më sheh. Më kap prej shpatullash dhe më thotë ku ishe. Nuk i fola sepse nuk isha në gjendje. Policia e Fierit ka lidhur kontakt me atë të Beratit. Policia pas denoncimit më tha mos hajde, por unë i thashë që do vij. Shkoi babai atje dhe atje e mori vesh se çfarë kishte ndodhur. Kur kemi shkuar në komisariat dhe bëra kallëzimin, më mbajtën 6 orë. Gjinekologia ishte paguar nga prindërit e autorit në gjyq që të thoshte se unë nuk isha e virgjër

-Po ti ke qenë 12 vjeç… çfarë ndodhi, sa kohë u dënua?

Ata në gjyq kërkuan ta dënojnë me 25 vite burg. Ai më rrahu dhe më përdhunoi. 1 vit e gjysëm bëri dhe më pas kur doli nga burgu filluan kërcënimet. Ka dalë nga burgu në 2016 dhe pasi më kërcënoi i bëra bllock në rrjetin social. Më thoshte që kam dal nga burgu dhe kërkonte të fliste me mua.

-Në momentin që gjinekologia ka dalë me këtë ekspertizë falso… nëse nuk ka qenë përdhunim përse u dënua ai?!

Unë kam shkuar tek gjykata e shkallës së parë në Berat dhe prokurori më ka thënë që nuk parashikohet si vepër penale nga ana jonë dhe ngjarja është pezulluar pas 3 vitesh.

-Trajtim psikologjik të është ofruar?

Jo, nuk më është ofruar asnjëherë.

-Po në shkollë shkove?

Në shkollë un jam braktisur. Në 2015 prindërit e agresorit ishin në shkollë. Drejtori më tha që ti nuk pranohesh në shkollë se je objekt trafikimi.

Jam dashur të përballem me paragjykimet, jam dashur të përballem me njerëz që më kanë thënë që duhet të martohesh… edhe kur isha 12 vjeç më thonin. Njerëzit i thonin babit pse e mban të pamartuar.

-Pse mendon që donin të trafikonin? Ti ke qenë fëmijë dhe mund të kemi të bëjmë me rrjet pedofilës sepse është diçka e tmerrshme. Ta thanë që donin të të trafikonin?

Gjatë aktit, më thanë që me ty do të bëjmë lekë

-Po nëna jote çfarë ka bërë

Nëna më ka poshtëruar, më thoshte se nuk je fëmijë i denjë. Ata kërkonin që unë të punoja por unë nuk isha në gjendje të qëndroja në këmbë. Kërkonin të bëja punë pas përdhunimit… madje kanë dashur që të më martojmë me atë që më përdhunoi.

Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/