Pasi ish-kryeministri Berisha bëri publik denoncimin e nxënësve në Dibër të cilët kërkojnë kthimin e mësueses së tyre, mësohen të tjera detaje.
Burime nga PD, thonë se nxënësit e shkollës së mesme “Said Najdeni” në Dibër, janë dhunuar verbalisht dhe janë kërcënuar teksa kanë protestuar kundër transferimit të paligjshëm të mësueses së tyre Fatbardha Miftari.
Roja i shkollës me urdhër të Drejtorisë, ka tentuar të godasë nxënësit.
Me urdhër të qartë politik, si kërcënim për t’u bërë pjesë e PS, mësuesja e shkollës detyrohet, pa dëshirën e saj të japë mësim në fshatin Mustafë në Arrëz e të bëjë ccdo ditë 5 orë udhëtim vajtje-ardhje. Për shkak të protestës, prindërit e nxënësve dhe mësuesit që i kanë mbështetur, janë kërcënuar me heqje nga puna.
“Edhe përse kërcënimet kanë qenë nga më të tmerrshmet për ju, për prindërit tuaj për heqje nga puna, për mësues që u janë dhënë vërejtje se ju keni dalë këtu për lirinë e fjalës. Ecni rrugën e drejtësisë”, tha mësuesja Fatbardha Miftari.
“Gjatë mbrëmjes së djeshme ka pasur shumë kërcënime me telefonata për heqjen e prindërve nga puna, apo kërcënime nga më të ndryshmet. Ne nuk do të ndalemi. Edhe përse ka kërcënime, ne do ta ccojmë këtë punë deri në fund”, tha një nga nxënësit protestues.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
