Në ditën e 7 Marsit, festës së mësuesit, opozita ka zgjedhur të bëjë publike denoncime të situatës reale të arsimit. Përveç ish-deputetëve demokratë, dhe LSI përmes një deklaratë për mediat ka denoncuar një rast tjetër.
Nënkryetarja së LSI-së, Kejdi Mehmetaj denoncoi publikisht një urdhër të kryeministrit Rama.
Ajo tha se në shkollën “Goja e Artë” në Roskovec kanë shkuar fadromat për ta prishur, ndërsa banorët janë mobilizuar ta mbrojnë shkollën. Sipas Mehmetajt, duke ndjekur të gjithë procedurën ligjore drejtuesit e shkollës kanë paditur Bashkinë dhe kanë dy vendime gjykate në favor të tyre.
“Janë dy vendime të gjykatës të shkallës së parë të rrethit të Vlorës, të cilët i japin të drejtë drejtuesve të shkollës. Të cilët kanë bërë së pari një sigurim padie, në mënyrë që shkolla dhe rrethimi i saj mos të preken deri në marrjen e vendimit të formës së prerë. Po ashtu ka një vendim të Gjykatës së Shkallës së parë që i jep të drejtë drejtuesve të shkollës që drejtimi nuk duhet prishur dhe që Bashkia nuk ka të drejtë në kërkesën e saj. Dje i jemi drejtuar si Prokurorisë po ashtu dhe zyrës së përmbarimit, të cilët me këtë akt konstatimi i kanë dërguar të gjithë informacionin zyrës së Bashkisë së Roskovecit që të pezullohet në mënyrë të menjëhershme çdo veprim që po bëhet mbi shkollën, deklaroi nënkryetarja.
https://www.facebook.com/kejdimehmetajLSI/videos/1689786651166719/UzpfSTM3OTY5NDU4ODcxMDQ3MjoyNDI4Njg3NTIzODExMTU4/
