Një sasi e madhe parash janë sekuestruar në doganën e aeroportit të Rinasit.
Sipas policisë, janë sekuestruar rreth 26 mijë dollarë të padeklaruara të cilat po kërkoheshin të nxirreshin ilegalisht nga Shqipëria përmes linjës ajrore Tiranë Stamboll.
Shuma e parave dyshohet si i përkiste një shtetasi turk dhe një shtetasi sirian, ndërsa hetimet kanë nisur.
Në vijën e dytë të kontrollit policia ka arritur të ndalojë shtetasin me inicialet F.E, me kombësi siriane dhe shtetasin turk me incialet O.A.
Personat dhe provat materiale (dollarët) ju kaluan për veprime procedurale policisë.
