Pas ngjarjeve të përsëritura të dhunës në stadiume, ka ardhur reagimi i parë nga presidenti I FSHF-së, Armand Duka.
Ai ka insistuar të rikthehet policia në stadiume dhe e ka etiketuar ngjarjen si të rëndë për futbollin tonë, duke thënë se ‘ishte një goditje për kampionatin.
Gjatë një inagurimi të një fushe në Elbasan, Duka tregoi se çfarë do të ndodhte dhe me kampionatin.
“Niveli i shoqërisë shqiptare dihet tashmë. Sa e egër të jetë gara, aq më shumë nuk përmbahen emocionet Policia dhe organet e drejtësisë dueht të marrin mase. Në rastet e dhunës nuk kemi parë asnjë masë. Vendimi që policia nuk duhet të jetë në stadium jo idrektë. “u shpreh presidenti.
PYETJE: Ndërpritet Kampionati nëse policia nuk e kthen një lloj vendimi duke qenë që problematika është?
PERGJIGJE: Unë pres që të kemi një reagim ndryshe dhe të ulemi dhe të bisedojmë ndryshe. E thashë për mua është e pamundur, për mua dhe në fakt për shumë të tjerë. Në realitetin që jemi do ishte shumë bukur që futbolli dhe çdo lloj aktiviteti tjetër të mos kishte polici, po të ishte me stjuart apo me njerëz civilë por a është e mundur në nivelin e kësaj shoqërie?! Unë them jo. Nëse do funksiononte si një mekanizëm perfekt që çdo shkelës pasi ta bënte atë, të thirrej, të dënohej qoftë dhe me 1 mijë lekë gjobë atëherë edhe mund të shkojmë në vendimin që të mos ketë polici në stadium. Kishim në Korçë ku 150 njerëz hynë në stadium, bënë çfarë deshën, thyen gjithë atë stadium që me shumë vështirësi e kemi ndërtuar dhe asnjë nuk u thirr qoftë edhe për t’i dhënë edhe një masë 100 lekëshe. U dhunua fotografi në Tiranë, në ndeshjen kundër Partizanit, një zyrtar ndeshjeje. Agresorët ishin të filmuar, nuk ke ç’kërkon më shumë. Nuk u ndalua askush. E njëjta gjë ndodh edhe tani. kështu që nëse nuk funksionojnë këto atëherë duhet të ketë forca rendi në stadium.
