Dëshmitë e fqinjëve në Korçë zbulojnë detaje të reja për krimin e rëndë në familje të ndodhur pak çaste më parë.
Kujtojmë se policia bëri me dije se një grua e moshuar ishte gjetur pajetë në banesën e saj dhe dyshohej se djali i saj e kishte goditur dhe më pas mbytur.
Identiteti i gruas është mësuar. 85-vjeçarja Nazime Demollari Djali u mbyt nga djali i saj i alkolizuar. Edhe në momentin që është shoqëruar në polici, Nesim Demollari ka qenë nën efektin e pijeve alkolike.
Fqinjët tregojnë se e moshuara dhunohej prej kohësh nga i biri. Ata thonë se Nesim Demollari, ishte i alkolizuar, dhe se gjithmonë e rrihte nënë e tij.
“Dëgjonim gjithmonë zhurma, sherr mes tyre, e ka rrahur gjithmonë, pasi pinte shumë. Sot e ka mbytur”, tregojnë banorë të zonës.
Nazime Demollari ishte e ve, pasi burri i saj kishte ndërruar jetë vite më parë.
