Gjykata e Vlorës ka vendosur masën arrest me burg për V.Kapllanin, të riun që vrau gjyshin e tij dy ditë më parë me armë zjarri.
17 vjeçari mbërriti në gjykatë mëngjesin e së shtunës (2 janar), së bashku me tre të arrestuarit e tjerë që dyshohet se i shitën pistoletën.
Nipi vrau me plumb në kokë gjyshin 69-vjeçar në Vlorë por tentoi ta fshihte si grabitje.
Para se nipi i tij të arrestohej, pranoi edhe të jepte një intervistë duke deklaruar se si e gjeti gjyshin të gjakosur dhe se ai ra pre e një grabitje.
”E vrava gjyshin se më nxiu jetën. Më stresonte, nuk e duroja dot më”, ka thënë para oficerëve të policisë 16-vjeçari nga Vlora.
Pas arrestimit nipi pranoi se ka qenë ai që ka qëlluar gjyshin, duke i marrë shumën prej 1 milionë lekësh, si dhe tregoi ku e kishte fshehur armën pas krimit.
