Aktori i humorit Volodymyr Zelenskiy ia ka arritur të rrëmbejë zemrat e të gjithëve në Ukrainë, dhe kjo jo vetëm se ai është një komedian i zoti.
41-vjeçari është protagonist në garën presidenciale të parashikuar për më 31 mars. Ai është në fakt i pari në sondazhet e opinionit publik, pavarësisht se nuk ka mbi asnjë eksperiencë politike.
”Kjo është një fytyrë e re. Nuk kam qenë asnjëherë pjesë e politikës, vij nga punë të pastra, televizioni dhe kinemaja. Mendoj se njerëzit më njohin shumë mirë dhe mund të identifikohen me mua”, thotë ai
Sondazhet e fundit treguan në fakt se politikanët e vendit – nga Poroshenko në detyrë deri tek ligjvënësit e Ukrainës, shihen me përbuzje të thellë. Një sondazh më parë këtë muaj nxorri se 82 për qind të ukrainasve kanë një mosbesim ndaj parlamentit dhe 71 për qind mendojnë në të njëjtën mënyrë rreth Poroshenko.
