Ish-deputeti demokrat Klevis Balliu i është drejtuar kryeministrit Edi Rama me tone tepër të ashpra këtë herë nga protesta e banorëve të “Astirit”.
Balliu tha se qeveria e Ramës “po shkrin si akulli”, ndërsa paralajmëroi se “në 5 mars do të zhdukë parlamentin e krimit”.
Kujtojmë se në 5 mars mbahet seanca e radhës parlamentare, dhe po në të njëjtën ditë, opozita ka paralajmëruar protestën.
“Sa të ketë Edi Ramën dhe Arta Markun Saimir Tahiri i pafajshëm do të dalë. Qeveria po shkrin si akulli, po e shkrin kjo protestë, është Unaza e Re zjarri që u ndez. Rama me gjithë ata skllevërit që i rrinë nga mbrapa në zyrat e errëta të rilindjes do të jenë duke bërë plane si do të shkatërrojnë këto protesta. Kemi marrë çdo masë që bashkë me gazin tënd të shkosh atje ku e meriton. Në 5 mars do të zhdukim parlamentin e krimit” tha Balliu.
