Opozita do të zhvillojë sot protestën, vendim të cilën e morën menjeherë sapo Gramoz Ruçi zhvendosi seancën e së enjtes për ditën e sotme.
Në orën 17:00 do të jetë një protestë e qytetarëve para Parlamentit ashtu sikurse u bë dhe një javë më parë.
Nga ana tjetër, në një deklaratë për mediat, Ministri i Brendshëm, Sandër Lleshaj nuk ka dhënë deklarata politike siç e quan ai, por vetëm ka shpjeguar masat që do të merren.
Lleshaj ka komentuar vendimin e AKEP me kërkesë të Drejtorisë së Përgjithshme të Policisë së Shtetit për mbylljen e valëve të telefonisë celulare për disa orë më 21 shkurt, kur opozita protestoi para parlamentit të rrethuar me tela me gjëmba.
I pyetur nga gazetarët nëse do ketë sërish masa të tilla edhe sot pasdite, Lleshaj nuk e konfirmoi dhe as nuk e mohoi një fakt të tillë, ndërsa nuk e cilësoi si masë drastike bllokimin e valëve.
“Nuk di të ketë masë drastike të tillë dhe mbyllja e valëve telefonike nuk ishte masë drastike kur bëhet në shërbim të mbarvajtjes së sigurisë së gjithë protestës apo jo pjesëmarrësve të saj”, u shpreh ministri.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
